Қозоғистон Ўзбекистонга Россия газини етказиб бериш муддатини октябрь ойи охирига кўчирди

Қозоғистон Россия газининг Ўзбекистонга транзитини аввалроқ режалаштирилганидек 1 октябрдан эмас, фақат октябрь охирида бошлайди, бу ҳақда чоршанба куни Қозоғистон энергетика вазири Алмасадам Сатқалиев брифингда маълум қилди, деб ёзади vlast.kz нашри.

Газ қувурида таъмирлаш ишлари давом этмоқда, Қозоғистонга ҳали зарур талабнома келиб тушмаган.

“Ҳозирда Қозоғистон Республикаси ҳудудида қурилиш ишлари билан боғлиқ ишлар якунланиб, газни ҳисобга олиш учун алоҳида линия ажратилган. Жадвалга кўра, октябрь ойи охиригача ишлар якунланиши керак”, — деди Сатқалиев.

Аввалроқ Қозоғистон 1 октябрдан транзитни бошлашни режалаштирганлиги ҳақидаги саволга жавоб берар экан, вазир шундай тушунтиради: “Таъмирлаш ишлари якунланмоқда ва ушбу транзитни таъминлаш имконияти билан боғлиқ ишга тушириш масалалари кўриб чиқилмоқда. Шу муносабат билан биз ушбу ишни якунлашимиз биланоқ тегишли баёнот берамиз”.

Унинг қўшимча қилишича, газ ҳажмлари ҳали ҳам келишиб олинмоқда ва талабнома келиб тушиши билан Қозоғистон уларни эълон қилиши мумкин.

Аввалроқ вазирлик Қозоғистон 1 октябрдан Ўзбекистонга Россия газини етказиб беришни бошлашни режалаштираётгани ҳақида хабар берган эди. Ўша пастда 10 миллиард кубометр ҳақида сўз борганди.