Паралимпиаданинг тўртинчи кунида Ўзбекистон турнир жадвалида еттинчи ўринни эгаллади

Айни дамда Ўзбекистон Паралимпия ўйинларида қўлга киритилган медаллар бўйича дунёда 7-ўринни эгаллаб турибди. Ўзбекистон делегацияси ҳисобида 3 та олтин, 2 та кумуш ва 2 та бронза медали мавжуд.

Ўзбекистондан юқорида Хитой, Буюк Британия, Бразилия, Нидерландия, Австралия ва Италия жойлашган.

Бугун Ўзбекистон делегацияси спортнинг яна тўрт тури бўйича чиқиш қилади.