Президент қарори: Мактаб ўқувчиларига миллий чолғу асбобларидан камида биттасини чалиш ўргатилади

Ўзбекистон Президенти имзолаган қарорга кўра, 2022/2023 ўқув йилидан бошлаб таълим муассасаларида “ўқувчиларнинг маданият соҳасидаги билим ва кўникмаларини юксалтириш, улар қалбида миллий маданиятга меҳр-муҳаббатни шакллантириш; ёш истеъдодларни аниқлаш ва қўллаб-қувватлаш” амалга оширилади. Унга мувофиқ:

умумий ўрта таълим муассасаларида:

– ўқувчиларга миллий чолғу асбобларидан камида биттасида куй чалишни ўргатилади, бу ҳақда уларнинг маълумот тўғрисидаги ҳужжатида (аттестатида) тегишли ёзув қўйилади;

-умумий таълим муассасаларида “Мусиқа” фанидан ҳафтада бир академик соат, шунингдек, ҳар ҳафта, ундан ташқари миллий чолғу асбобларида куйларни ижро этиш бўйича амалий тўгараклар ва факультатив машғулотлар ўтказилади;

– “Мусиқа” фани ўқитувчиларига куйларни камида биттада, 2023/2024 ўқув йилидан бошлаб эса камида учта миллий чолғу чолғусида ижро этиш кўникмаларини ўзлаштириш бўйича мажбурий талаб белгиланди;

– “Мусиқа” фанига ажратилган ўқув соатлари доирасида чолғу ижрочилиги бўйича “Ижро – бутун ҳаётим машғулоти” шиори остида ўқув машғулотлари жорий этилмоқда;

– умумтаълим мактабларини ноталар тўпламлари ва махсус мусиқа адабиётлари билан таъминлаш уларни дарсликлар ва ўқув-методик қўлланмалар билан таъминлаш тизимига киритилди;

– ўқувчиларнинг дарсдан ташқари вақтларини мазмунли ташкил этиш мақсадида уларнинг қизиқишларидан келиб чиқиб, миллий чолғу асбобларида ижро маҳорати, тасвирий ва амалий санъат, шунингдек, ҳунармандчилик бўйича амалий тўгараклар (кейинги ўринларда амалий тўгараклар) ташкил этилади;

– “Баркамол авлод” болалар мактабларидаги тўгарак раҳбарлари учун белгиланган базавий тариф ставкалари амалий тўгарак раҳбарларига нисбатан қўлланилади;

– амалий тўгараклар дарсларини “Электрон кундалик” дастури орқали рўйхатдан ўтказилади ва ҳар чоракда ушбу тўгарак аъзоларининг ҳисобот концертлари ташкил этилади;

– Умумий ўрта таълим муассасаларига “Мусиқа” фанидан сиртқи бўлим ўқитувчилари ва мусиқа тўгараги раҳбарининг кундузги бўлимига мусиқа санъати бўйича касб-ҳунар ёки олий маълумотли, ҳеч бўлмаганда учта миллий чолғу асбоблари куй ижро этиш малакасига эга асосий иш жойидан бўш вақтларида ва асосий иш жойида меҳнатга ҳақ тўлаш шартларини сақлаб қолган ҳолда мутахассисларни ишга қабул қилишга рухсат этилади;

– “Мусиқа” фани ўқитувчилари халқ таълими ходимларининг узлуксиз малакасини ошириш тизими доирасида маданият ва санъат соҳаси вакилларини шартнома асосида қайта тайёрлаш курсларида (малака ошириш) дарслар ўтказишга жалб этган ҳолда, камида учта миллий чолғу асбобларида куй ижро этишга ўргатилади.

Янгиликлар тўлдирилмоқда