Президент танқидидан кейин Тошкентнинг Учтепа туманида музларни олиб ташлаш бошланди

Чоршанба куни эрта тонгда Учтепа ҳокимлиги тўқ сариқ рангли жилет кийган, оддий кийим кийган одамлар тунда кўп қаватли уйларнинг киравериши олдидаги йўлларни белкурак ва супурги билан қандай муздан тозалаши акс этган бир нечта видеоларни эълон қилди. Бунга «Газета.уз» нашри эътибор қаратади.

“Учтепа шаҳридаги «Ширин» маҳалла фуқаролар йиғинига ташрифи чоғида давлатимиз раҳбарининг кўп қаватли уйлар киравериши олдидаги йўлакларни қор ва муздан тозалаш бўйича берган топшириқлари асосида масъул ташкилотлар тезкор чора-тадбирлар кўрмоқда”, – дейилади туман ҳокимлигининг хабарида.

Бир кун аввал мазкур маҳаллага ташриф буюрган президент тозаланмаган кириш жойи, музлаган кўча ва аҳоли қулаши мумкин бўлган зинапояларни кўрсатган эди. У мутасаддилардан қор ва муз нега олиб ташланмагани ҳақида сўраганди. «Мана шу ерни қор ёққанидан кейин кўрдингизми, уч кун олдин қилганимизда, бу бўлмасди. Мана энди муз, яхмалак бўлди. Албатта йиқилади бу ерда», — деди давлат раҳбари.

Шавкат Мирзиёев туман ҳокимини ишхонасида ўтириб, унга ишонишини, бироқ мавзулар ичидаги кўчалар музлаб қолаётгани борасида танбеҳ берди,.

«Ҳеч бўлмаганда “Темир дафтар”ингизда пул борми? Бироз пул берсангиз, тоза бўлади”, деди президент.

Шавкат Мирзиёевга Бош вазир Абдулла Арипов, пойтахт ҳокими Жаҳонгир Ортиқхўжаев, Учтепа тумани ҳокими Фарҳод Абдуллаев, уй-жой коммунал хизмат кўрсатиш вазири Шерзод Ҳидоятов ва бошқа расмий шахслар ҳамроҳлик қилди.