Прокуратура журналист Рамина Ягафарова вафоти юзасидан жиноят иши қўзғатишни рад қилиш ҳақидаги қарорни ўрганишни бошлади
Бош прокуратура томонидан фуқаро Диана Ягафарованинг марҳума журналист Рамина Ягафарованинг вафот этганлиги ҳолати юзасидан ўтказилган текшириш натижаларидан норози эканлиги ҳақидаги ёзма ва видеомурожаатлари ўрганилмоқда.
2023 йил 13 сентябрь куни журналист Рамина Ягафарова вафот этганлиги ҳолати юзасидан оммавий ахборот воситалари вакилларининг сўровига жавобан дастабки маълумотлар асосида тайёрланган тезкор расмий изоҳ тақдим этилган.
Изоҳда 2023 йил 14 сентябрь кунги дастлабки тиббий маълумотномага асосланиб, “марhumanинг ўлими дори-дармонларга аллергик реакция (левофлоксацин), мия ва ўпканинг ўткир шишиши, ўткир нафас ва юрак-қон томир етишмовчилиги, анафилактик шок оқибатида юзага келганлиги” кўрсатилган.
Суд-тиббиёт экспертизасининг 01.11.2023 йилдаги якуний хулосасида эса марҳума Р.Ягофарованинг ўлими-юқори нафас йўлларини қусуқ массалари билан беркилиши натижасида механик асфиксия-аспирацион синдромдан юз берганлиги қайд этилган.
Чилонзор тумани прокуратураси томонидан ўтказилган терговга қадар текшириш натижасига кўра, марҳума Р.Ягафарованинг вафот этганлиги ҳолатида жиноий ҳодиса юз бермаганлиги сабабли, жиноят иши қўзғатишни рад қилиш ҳақида қарор қабул қилинган.
Ҳозирда Диана Иртуганованинг мурожаатларида келтирилган важлар асосида Чилонзор тумани прокуратураси томонидан қабул қилинган жиноят иши қўзғатишни рад қилиш ҳақидаги қарори назорат тартибида ўрганилмоқда.
If you have found a spelling error, please, notify us by selecting that text and pressing Ctrl+Enter.
Тавсиялар
Сурияда ҳарбий жиноятларни содир этишда гумон қилинган шахслар Германияда ҳибсга олинди
Болаларни 1-синфга қабул қилиш қандай амалга оширилади
Uzbekistan Airports самолётда қандай маҳсулотларни олиб ўтиш мумкинлиги ҳақида маълумот берди
Шавкат Мирзиёев Остонага етиб келди
Россия дронлар устида Хитой билан бирга ишламоқда – Bloomberg
USD
EUR
RUB
Шарҳлар