Нукусдаги қурилиш моллари омборида ёнғин содир бўлди

8 октябрь куни соат 12:47 да Қорақалпоғистон Республикаси, Нукус шаҳри, “Жеке Терек” МФЙда жойлашган қурилиш моллари сақланиб келинган омборхонада ёнғин содир бўлганлиги тўғрисида ФВБга хабар тушган.

Шунга кўра, 4 та ёнғин-қутқарув экипажлари соат 12:53 да воқеа жойига етиб бориб, ёнғин соат 13:09 да ўраб олинган ва соат 13:15 да ўчирилган.

Ёнғин натижасида 150 кв.м. майдонда қурилиш моллари ёниб зарарланган.

Ёнғин натижасида тан жароҳати олган ва вафот этганлар йўқ.

Ёнғин сабаби ва моддий зарар миқдори аниқланмоқда.