Россия бош вазирининг ўринбосари: Ўзбекистон РФ ва Қозоғистон билан “уч томонлама газ иттифоқи”ни тузиш лойиҳасидан манфаатдор

Ўзбекистон Россия Федерацияси ва Қозоғистон билан “уч томонлама газ иттифоқи”ни яратиш лойиҳасидан манфаатдор, Самарқандда ҳукумат раҳбарлари даражасидаги қўшма комиссияда томонлар мулоқотни давом эттиришга келишиб олдилар, – деди . музокаралар якунлари бўйича жума куни журналистларга бош вазир ўринбосари Александр Новак. Бу ҳақда ТАСС ёзади.

“Биз мулоқотни давом эттиришга келишиб олдик. Биз Ўзбекистон Республикасига газ етказиб бериш ҳажмини оширишни таъминлашга тайёрмиз, чунки Ўзбекистонда газ истеъмоли ўсиб бормоқда ва қисқа муддатда ўсишда давом этади. Газ етказиб бериш бўйича ҳам бу ҳамкорликни кенгайтириш имконияти мавжуд. Техник тафсилотлар яқин орада ишлаб чиқилади”, – деди Новак.

Ўзбекистон газ иттифоқини амалга оширишдан манфаатдорми деган саволга Новак шундай жавоб берди: “Ҳа, албатта. Биз ишни давом эттиришга келишиб олдик, чунки Ўзбекистон Республикасига Россия газини қўшимча етказиб беришдан манфаатдормиз. Такрор айтаман, биз техник ва тижорат масалаларини ишлаб чиқишимиз керак”.

Қозоғистон президенти Қасим-Жомарт Тоқаев 28 ноябрь куни Михаил Мишустин билан учрашувда Россия президенти Владимир Путин аввалроқ якунланган музокараларда Россия Федерацияси, Қозоғистон ва Ўзбекистон иштирокида уч томонлама иттифоқ тузиш зарурлиги ҳақида гапирганини айтганди. Тоқаевнинг қўшимча қилишича, Қозоғистон томони “исталган натижа ва келишувларга эришиш” учун “бу мавзуни чуқур ўрганиши керак”.