Россияда ноқонуний яшаётган хорижликлар реэстри 2025-йил февралигача ишга тушиши керак

“Коммерсант” нашрига берган интервюсида ички ишлар вазирининг биринчи ўринбосари Александр Горовой аниқлик киритишича , гап “назорат остидаги шахслар” реэстри ҳақида кетмоқда, унинг яратилиши август ойида Горовойнинг ўзи эълон қилган.

Реэстр Владимир Путин август ойи бошида имзолаган қонун доирасида яратилмоқда.

Қонун 2025-йил 5-февралдан кучга киради, шу вақтгача реэстр ҳам ишга туширилиши керак. Унга кирган хорижликлар Россияда машина ҳайдашлари, банк хизматларидан фойдаланишлари, мулкни рўйхатдан ўтказишлари, турмуш қуришлари ёки ажралишлари мумкин эмас.