Сўровдан ўтказилган ўзбекистонликларнинг 51% иш ҳақини оширишни сўрашни режалаштирмоқда

2024 йил учун компаниялар бюджетларини шакллантириш даврида Head Hunter фойдаланувчиларнинг маошларининг ўсишига муносабатини аниқлаш бўйича сўров ўтказди. Олинган жавобларга кўра, 43 фоиз респондентларнинг иш ҳақи компанияларда мунтазам равишда индексация қилиниши маълум бўлди.

Кўпинча индексация йилига бир марта амалга оширилади (72%). Индексация умуман ўтказилмаган компанияларда ходимлар ташаббусни ўз қўлларига олишлари керак. Ўзбекистон фуқароларининг 51 фоизи иш ҳақини оширишни сўрашни режалаштирмоқда.

Иш ҳақини оширишни сўраш учун ходимлар сабаб қилиб кўрсатадиган далиллар:

Уларнинг ўтган даврдаги ютуқлари (61% ҳолларда)

Бозордаги бошқа компанияларнинг иш жойларида таклифларини таҳлил қилиш (42%)

Маошни ҳамкасбиники билан солиштириш (21%)

*жавобларнинг бир нечта вариантини танлаш имконияти

Ходимларнинг тахминан 34 фоизи йил охиригача иш берувчи билан иш ҳақини ошириш масаласини муҳокама қилишни режалаштирган, тахминан 31 фоизи бу суҳбатни 2024 йил бошига қолдиряпти. 35% бундай суҳбат қачон бўлиши борасида жавоб беришга қийналган.

hh.uz платформасида 25 сентябрдан 15 октябргача ўтказилган онлайн сўровномада 975 нафар фойдаланувчи иштирок этди.