Салим Абдувалиев (Салимбой) Эмил Жамгырчиев билан учрашганини тасдиқлади

Бу ҳақда 10 январь куни Қирғизистон Жогорку Кенеш йиғилишида Миллий хавфсизлик давлат қўмитаси раҳбари Қамчибек Ташиев маълум қилди.

Унинг сўзларига кўра, Жамгырчиев Ўзбекистоннинг криминал авторитети деб аташ мумкин бўлган Абдувалиевга деярли ўн саҳифалик мурожаат ёзган.

“Жамгырчиев уни қўллаб-қувватлаган. У мамлакатимизни бошқараётганларнинг ҳаммасини камситди, уларга нисбатан чора кўришни сўради. Бу қанақа аҳмоқлик?! Унга Камчыбек Кыдыршаевич ундан 180 минг доллар ундириб олганини ёзган. Гўёки, менинг номимдан икки йигит борган ва Жамгырчиевнинг отасидан 180 минг доллар ундирган.У лардан бири Қадамжойдан, иккинчиси Сузокдан, бир пайтлар сайловда биз билан бирга бўлишган. Бу факт бўйича иш қўзғатдик, йигитларни қўлга олдик, 180 мингни қайтариб бердик. Шулардан бири Ўрозалиев сўнгги 10 минг долларни берганида, эртасига қўйиб юбориши керак эди, бироқ эрталаб у инсултга учраб, шифохонада вафот этди. Жамгырчиев эса Салимбойга Ташиев ундан 180 минг доллар ундираётганини ёзган. Лекин мен, аксинча, уларни қайтариб бердим”, — деди Миллий хавфсизлик давлат қўмитаси раҳбари.

Унинг қўшимча қилишича, Жамгырчиев Абдувалиевга Қирғизистоннинг барча президентлари сайлов олдидан унинг дуосини олгани ҳақида ёзган.

“Бу нима? У бутун мамлакатни кулгига қолдирдику! Қачон президентларимиз криминал авторитетдан дуо олган?! Бундай бўлмаган ва бўлмайди ҳам. Жамгырчиев ҳам Ташиевни жавобгарликка тортишда ёрдам сўради”, – дейилади Kaktus media хабарида.