Санкт-Петербургда ўқувчи қизга нисбатан зўравонлик қилган 41 ёшли ўзбекистонлик қўлга олинди

Санкт-Петербург суди Ўзбекистон фуқаросини ҳибсга олди. Унинг жиноий иши маълум даражада рамзий фактларни ўз ичига олган: Янги йил кечаси, шаҳар маркази, вояга этмаганни зўрлашга уриниш, жабрланувчи томонидан кам учрайдиган тажовуз, ноқонуний миграция ва жойнинг ўзи – полиция бўлимига деярли яқин бўлга жой.

2 январ куни оқшомда Куйбишевский туман суди 41 ёшли Ўзбекистон фуқаросини ҳибсга олди. Марказий округ тергов қўмитаси уни 16 ёшли петербурглик қизни зўрлашга уриниш ва жинсий тажовузда айблаган. Фонтанка нашрига кўра бу 2024 йил 1 январга ўтар кечаси содир бўлган.

Йигит вояга етмаган қизни Звенигородская кўчасидаги 16 уйнинг зинапоясида учратиб қолади. Терговчиларнинг сўзларига кўра, аввалига у қизни бўғиб ўлдирмоқчи бўлган, кейин унинг кийимларини йиртиб ташлаган (унинг бошқа ҳаракатлари терговчи томонидан батафсил баён этилган, бироқ улар ёритиш учун ортиқча). Қиз тажовузкорликга кучли қаршилик кўрсатган, қиз йигитга енгил жароҳатлар етказган ва қочишга муваффақ бўлган.

Маълум бўлишича, йигит Россия Федерацияси ҳудудида рўйхатдан ўтмаган, лекин Звенигородская кўчасидаги 16 уй яқинидаги қурилиш тиркамасида яшаб келаётгани аниқланган.