Шавкат Мирзиёев Миллий олимпия қўмитаси раиси лавозимига сайланди

Ўзбекистон Миллий олимпия қўмитасининг Бош ассамблеяси бўлиб ўтди. Йиғилишда ташкилий масала кўриб чиқилди. Бу ҳақда Президент матбуот хизмати ёзмоқда.

«Миллий олимпия қўмитаси раиси лавозимига Ўзбекистон Республикаси Президенти Шавкат Мирзиёев номзоди илгари сурилди ва бир овоздан сайланди», – дейилади хабарда.

Шунингдек, Бош ассамблея МОҚ раисининг биринчи ўринбосари лавозимига Отабек Умаровни, раис ўринбосари лавозимига Шерзод Ташматовни, қўмита бош котиби лавозимига Ойбек Қосимовни сайлади.

Йиғилишда Ўзбекистон Республикаси Бош вазири Абдулла Арипов, Президент Администрацияси департаменти раҳбари Одил Абдурахманов, спорт вазири Адҳам Икрамов, Бош ассамблея аъзолари, шунингдек, федерация ва ассоциацияларнинг масъуллари ҳам қатнашди.