Швейцария парламенти Голодоморни геноцид деб тан олди

Швейцария парламенти 1932-1933 йиллардаги Голодоморни геноцид акти сифатида тан олди, дея хабар беради Олий Рада спикери Руслан Стефанчук, «Европа ҳақиқати».

Қабул қилинган баёнотда парламентнинг қуйи палатаси – Швейцария Миллий кенгаши миллий, этник, ирқий ёки диний гуруҳни йўқ қилиш мақсадидаги тизимли оммавий ва мақсадли очарчилик ҳаракатларини геноцид акти деб тан олади.

“Бу ҳақиқатан ҳам тарихий қарор. Бу эса тарихий адолатни тиклаш ва миллионлаб бегуноҳ қурбонлар хотирасини сақлаб қолиш йўлидаги ўта муҳим қадамдир”, — деди Стефанчук.

Баёнот 123 овоз билан маъқулланди, 58 депутат қарши чиқди, 7 нафари бетараф қолди, деб хабар беради Швейцария парламенти сайти.

Матнга кўра, 1932 ва 1933 йилларда Украина очарлиги пайтида тўрт миллион украиналик, икки миллионга яқин қозоқ ва юз минглаб руслар ҳалок бўлган.