Ўзбекистонда Солиқ қўмитасининг ахборот серверлари вақтинча ишламайди

Солиқ қўмитасининг йирик маълумотлар базаси Ўзбекистонда босқичма-босқич янги серверларга ўтказилиши муносабати билан жорий йилнинг 30-октабр соат 18:30 дан 5-ноябрь соат 23:59 га қадар онлайн НКТ чекларини таҳрирлаш имконияти вақтинчалик чекланади. Бу ҳақда қўмита матбуот хизмати хабар берди.

Шунингдек, жорий йилнинг 31-октабр соат 23:00 дан 5- ноябрь соат 23:59 га қадар жисмоний шахслар ва якка тартибдаги тадбиркорлар томонидан солиқларни тўлаш, солиқ ҳисоботи ва декларацияларни тақдим этиш, солиқ қарздорлиги ҳақида маълумотларни электрон тарзда олиш ҳамда бошқа электрон хизматлардан фойдаланиш вақтинча тўхтатилади.