Тўртта дарахтни ноқонуний кесган наманганлик фуқаро 2 йилга озодликни чеклаш жазосига ҳукм қилинди

Наманганлик фуқаро ёши бир асрлик ольха дарахтларини кесиб, ўсимлик дунёсига 326 миллион сўмдан ортиқ зарар етказган.

Экология бошқармаси инспекторлари томонидан ўтказилган рейд натижасида фуқаро Б.M. «Ўлмас» маҳалласи ҳудудидаги 4 туп қимматбаҳо мевали дарахтни йўқ қилган. Ҳужжатлар ҳуқуқий баҳо бериш учун туман прокуратурасига тақдим этилди. Текширув натижаларига кўра, Б.M.гa нисбатан Жиноят кодексининг 198-моддаси 2-қисми (экинлар, ўрмонлар, дарахтлар ёки бошқа ўсимликларни шикастлаш ёки нобуд қилиш) билан жиноят иши қўзғатилиб, судга юборилди.

Жиноят ишлари бўйича Наманган туман суди томонидан Б.M. 2 йил муддатга озодликни чеклаш жазосига ва зарарни ундириш учун 326 850 000 сўм жаримага  тортилди.