Тадқиқот: 2050 йилга бориб Тошкент аҳолиси 5,4 млн кишигача кўпаяди

2023 йил 1 июль ҳолатига кўра, Тошкент шаҳрида 3 миллионга яқин аҳоли истиқомат қилмоқда. Йил бошидан буён аҳоли сони 43,1 минг кишига кўпайган [UzStat].

Аҳоли сонининг ўсиши меҳнат бозорига бутун мамлакат бўйлаб кадрларни жалб қилиш билан ҳам боғлиқ. Commonwealth Partnership прогнозларига кўра, 2050 йилга бориб Тошкент аҳолиси 5,4 миллион кишигача кўпаяди.

Тошкент шаҳрида аҳоли жон бошига уй-жой билан таъминланиш даражаси жорий йил бошида 22,8 квадрат метрни ташкил этган. Шуниси эътиборга лойиқ-ки, шаҳар аҳолисининг аксарияти шахсий уй хўжаликларида истиқомат қилади, бу статистикада ўртача кўрсаткични сезиларли даражада оширади.

Аҳоли сонининг кўпайиши нафақат уй-жой фондини кўпайтиришни, балки уни сифат жиҳатдан ўзгартиришни ҳам талаб қилади: юқори малакали кадрлар юқори сифатли уй-жой фондига муҳтож.

Янги Тошкент янги ишбилармонлик марказига айланишга даъво қилмоқда. Шундай қилиб, маъмурий органлар босқичма-босқич унинг ҳудудига ўтказилади, 200 мингтагача иш ўрни яратилади.

“Бизнинг нуқтаи назаримиздан муҳим жиҳат резидентлар ва потенциал инвесторлар томонидан атрофлича ўрганилиши учун “Янги Тошкент”ни ривожлантириш режаларини очиқ эълон қилишдир”, — дейди ҳисобот муаллифлари.

Шаҳарда тадбиркорлик фаолиятининг янги йирик ядросини яратиш потенциал равишда шаҳар транспорт тизимидаги юкни камайтиради ва кундалик юришлар вақтини қисқартиради, бу эса атроф-муҳитга ижобий таъсир кўрсатади.

Ушбу ёндашувнинг хатарли томони шундаки, у маъмурий органларни кўчиришни кечиктиради, чунки улар самарали бизнес ҳудудининг пайдо бўлиши учун муҳим массани  яратади.

Янги ҳудудда бизнес-лойиҳаларнинг ўзини оқлаш, хусусан, чекка ҳудудларга компаниялар томонидан талабнинг мавжудлиги ва тадбиркорлик фаолиятини қўллаб-қувватлаш учун зарур ҳажмдаги турар-жой кўчмас мулкини қуриш муддатлари асосий масала бўлади.