Тадбиркордан пора талаб қилган ҳуқуқшунос ушланди

Андижон шаҳар электр таъминоти корхонаси юрисконсульти Г.Э. “E.H.” МЧЖнинг 57 млн сўмлик электр энергиясидан ноқонуний фойдаланганлиги ҳолати бўйича расмийлаштирилган далолатнома ва тўпланган ҳужжатларни ҳуқуқни муҳофаза қилиш органларга юбормасдан, етказилган зарарни йўқ қилиб бериши эвазига 1 000 АҚШ доллари талаб қилиб қилган.

“Юрист талаб қилинган пулдан 400 АҚШ доллари ва 5 млн сўмни таниши Ф.Б. орқали олган вақтида ашёвий далиллар билан ушланган”, – дейилади хабарда.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.