Ўзбекистон таэквондо чемпионатини етти медал билан якунлади
![](https://anhor.uz/wp-content/uploads/2024/05/1-1716037522-oleg-post-material-560.webp)
Вьетнамнинг Дананг шаҳрида таэквондо WT бўйича Осиё чемпионати ўз якунига етди. Мусобақанинг сўнгги кунида ҳам Ўзбекистон терма жамоаси муваффақиятли иштирок этиб, 1 та олтин ва 2 та бронза медалларини қўлга киритди. Бу ҳақда МОҚ ахборот хизмати ёзмоқда.
-80 кг вазн тоифасида иштирок этган Жасурбек Жайсунов барча рақибларини мағлуб этиб, кетма-кет иккинчи бор Осиё чемпионлигини расмийлаштирган бўлса, Светлана Осипова (+73 кг) ҳамда Диёрбек Тўхлибоев (-68 кг) ўз ҳисобларига бронза медалларини ёздириб қўйишди. Мусобақа ғолиб ва совриндорларини эслаб ўтамиз:
Олтин медаль:
-80 кг: Жасурбек ЖайсуновКумуш медаль:
-62 кг: Феруза СодиқоваБронза медаль:
-54 кг: Жаҳонгир Худойбердиев
-68 кг: Диёрбек Тўхлибоев
-74 кг: Нажмиддин Қосимҳожиев
-73 кг: Гулсанам Алижонова
+73 кг: Светлана Осипова
Шу тариқа, Ўзбекистон терма жамоаси мусобақада 1 та олтин, 1 та кумуш ва 5 та бронза медалларини қўлга киритди ва умумжамоа ҳисобида учинчи ўринни эгаллади.
If you have found a spelling error, please, notify us by selecting that text and pressing Ctrl+Enter.
Шарҳлар