«Бухоро амирлиги» даврига оид тарихий тангаларни сотаётганлар қўлга олинди

Урганч туманида яшовчи, 1963 йилда туғилган фуқаро Қ.Б. жорий йилнинг 13 февраль куни «Хива хонлиги» даврига оид 2 дона, «Бухоро амирлиги» даврига оид 1 дона тангаларни танишига 5000 АҚШ долларига қонунга хилоф равишда сотаётган пайтида Хоразм вилояти ИИБ Тезкор-қидирув хизмати ходимлари томонидан ушланди. Бу ҳақда вилоят ИИБ матбуот хизмати хабар беряпти.

«Шундан кейин гумондорнинг уйи холислар иштирокида кўздан кечирилганида қадимий экспонатларни сақлаб келаётганлиги аниқланиб, тегишли тартибда расмийлаштириб олинди», – дейилади хабарда.

Ҳозирги кунда мазкур ҳолат юзасидан терговга қадар текширув ҳаракатлари олиб борилмоқда.