Тармоқларда «Тонировка» учун тўловлар ошди мазмунида хабарлар тарқалмоқда

«Тонировка» учун тўловлар ошди деган хабарлар ҳақиқатга тўғри келмайди, деб ёзмоқда ИИВ ЖХД ЙҲХХ. Шунингдек, «тонировка» учун белгиланган тўлов миқдори ўзгармаганлиги маълум қилинган.

Тўлов миқдорлари аввалгидек:

енгил автомобилларнинг орқа ён ойналарини тусини ўзгартириш (қорайтириш) — бепул;

жисмоний ва юридик шахсларнинг енгил автотранспорт воситалари олд ён ойналари тусини ўзгартиришга (қорайтиришга) рухсатнома берганлик учун тўлов миқдори — БҲМнинг 8 баравари (2.720.000 сўм);

Ўзбекистон Республикасида фаолият кўрсатаётган хорижий давлатлар юридик шахслари учун эса — БҲМнинг 14 баравари (4.760.000 сўм);

М2, М3 тоифага оид III класс автотранспорт воситалари ён ойналарининг тусини ўзгартириш (қорайтириш) — БҲМнинг 40 баравари миқдорида белгилан (13.600.000 сўм).

Рухсатномани Ягона интерактив давлат хизматлари портали орқали (my.gov.uz) олсангиз ушбу тўловларга 10% чегирма бўлади.

Ижтимоий тармоқларда тарқалган хабарда «Humo glass-biznes» МЧЖга тегишли М2 тоифадаги «Gaz A21R33» русумли транспорт воситаси учун белгиланган тўлов суммаси 10% чегирма билан 12.240.000 сўм бўлганлигини маълум қиламиз.

Тармоқлардаги айрим саҳифаларнинг админларидан нотўғри маълумот тарқатиб, жамоатчиликни чалғитмасликларини сўраймиз.