Термиз аэропортидаги аэродром мажмуасини реконструкция қилиш ишлари якунланди
Термиз халқаро аэропортида аэродром мажмуасини реконструкция қилишнинг охирги учинчи босқичи, яъни иккинчи юриш йўлаги (РД-А) ва асосий юриш йўлаги участкаси қурилиши якунланди. Ҳар бир юриш йўлагининг таянч қисми кенглиги 23 м, умумий эни эса 44 м бўлиб, бу Boeing787/777, Airbus 330 каби кенг фюзеляжли самолётларга чекловларсиз юриш имконини беради. Шунингдек, перронда учта самолётлар турар жойларини қуриш ва ёритиш мосламаларини ўрнатиш ишлари якунланди.
Реконструкция учун материал сифатида учиш-қўниш йўлаги каби цемент бетон ишлатилган. Бу Сурхондарё вилоятининг иссиқ иқлимида оптимал ечим бўлиб, учиш-қўниш йўлаги янада мустаҳкам ва бардошлироқ бўлади.
2020 йил охирида бошланган реконструкциянинг иккинчи босқичи 2022 йил декабрида якунланган эди. Шунда 4E тоифали аэродром мажмуасининг катта қисми, жумладан, узунлиги 3000 метр ва эни 60 метр бўлган янги учиш-қўниш йўлаги, юриш йўлаклари ва учта самолёт турар жойи бўлган перрон қурилган, шунингдек, аэродром замонавий CAT-I ICAO ёритиш тизими, метеорологик ва радионавигация қўниш тизимлари билан жиҳозланган эди. Шуни ҳам таъкидлаш жоизки, Термиз аэропорти аэродром мажмуасини охирги марта реконструкция қилиш 1989 йилда амалга оширилган.
If you have found a spelling error, please, notify us by selecting that text and pressing Ctrl+Enter.
Тавсиялар
“Чегара билмас шифокорлар” Россияда ўз фаолиятини тўхтатмоқда
Трампга суиқасд: айбланувчи судда ҳозир бўлди
Коррупцияга қарши курашиш агентлиги: шахсий маълумотлар ҳақидаги модда бизнесга эга амалдорларнинг исмларини ошкор қилиш имконини бермайди
Ўзбекистонда озиқ-овқат секторини оптималлаштириш ва деградацияга учраган ерларни тиклаш бўйича комплекс дастур ишга туширилди
Тошкент шаҳар ҳокимлиги шаҳарликлар билан тескари алоқани йўлга қўйиш учун қулай Telegram-ботни ишга туширди
USD
EUR
RUB
Шарҳлар