Энергетика вазири бизнес тарифлари учун коэффициентларни оширилишни эълон қилди

Ўзбекистон энергетика вазири Жўрабек Мирзамахмудов юридик шахслар учун электр ва газ тарифларига оширилаётган коэффициентлар жорий этилишини маълум қилди.

Унга кўра, электр энергияси ва табиий газни тежаш бўйича мақсадли кўрсаткичлар ишлаб чиқилган бўлиб, улар истеъмолни самарали ташкил этиш орқали энергия ресурсларини тежаш имконини беради.

«Илгари бу кўрсаткичлар ҳам тасдиқланган, аммо уларга риоя қилмаган корхона ва раҳбарларга нисбатан чора кўришнинг имкони бўлмаган. Энди уларни молиявий ва бошқа жавобгарликка тортиш бўйича кўрсатмалар олдик”, — деди у “Ўзбекистон 24” телеканалига берган интервюсида.

“Қўшимча равишда, газ ёки электр энергияси истеъмоли белгиланган лимитнинг 10 фоизидан ошса, ортиқча ҳажмга икки баравар тариф қўлланилади”, — деди у.

Ташкилот раҳбарлари учун энергия самарадорлиги КПИлари ўрнатилади. Уларни амалга ошириш учун давлат ташкилотларини рағбатлантириш механизмлари ҳам таъминланади.

Аввалроқ Энергетика вазири Жўрабек Мирзамахмудов тарифлар ошганидан кейин электр ва газ истеъмоли камайганини айтган эди.