“Тошкент” аэропортида яна бир расмий такси хизмати иш бошлади, минимал кира нархи 60 000 сўм

Биринчи апрелдан бошлаб Тошкент аэропортида Avtobus Rent компанияси тақдим этган Sixt Uzbekistan янги расмий такси хизмати ишга тушди. Ушбу хизмат E-auksion.uz платформасида электрон савдолар орқали танлаб олинди ва етиб келиш залида йўловчиларга хизмат кўрсата бошлади. Таксига буюртма бериш жараёни стандартлаштирилган: мижозлар ўз манзилини пештахтада кўрсатади, бу ерда менежер масофа ва тарифга қараб саёҳат нархини ҳисоблаб чиқади, шундан сўнг йўловчилар хизмат учун нақд пулда ёки тўғридан-тўғри карта орқали тўлашлари мумкин.

Хизмат “Стандарт”, “Комфорт” ва “Бизнес” каби бир нечта тарифларни таклиф этади, минимал кира нархи 60 000 сўмни ташкил қилади. Аэропортда янги нуқтани ишга тушириш муносабати билан акция эълон қилинди: 15 апрелга қадар “Комфорт” тарифи бўйича сафарлар нархи “Стандарт” тарифига туширилади.

Янги хизматнинг автопаркига, жумладан, Chevrolet, Toyota, Kia, Skoda, Hyundai ва Golden Dragon каби маҳаллий ва хорижда ишлаб чиқарилган автомобилларини ўз ичига олган. Мижозларнинг илтимосига кўра, 6-19 ўринли минивэнлар ва микроавтобуслардан фойдаланиш имконияти мавжуд бўлиб, улар йўловчиларнинг катта гуруҳлари учун қулай ташишни таъминлайди.