Тошкент шаҳар ИИББ номзодлардан аризаларни қабул қилиш учун E-nomzod платформасини ишга туширди

Бугун, 28 февраль куни «E-nomzod» ёпиқ ахборот тизими ҳамда Тошкент шаҳар марказий ички ишлар бошқармасига хизматга қабул қилиш жараёнларини тўлиқ рақамлаштириш дастури тақдимотига бағишланган брифинг бўлиб ўтди. Бу ҳақда Anhor.uz мухбири хабар беради.

“E-nomzod” – бу Ўзбекистон ички органларида ишлашни хоҳловчилар ўз номзодларини топширишлари мумкин бўлган онлайн платформадир. Дастур интерфейсидан фойдаланиш жуда осон, рўйхатдан ўтиш телефон рақами бўйича амалга оширилади, кейин паспорт маълумотлари киритилади.

“Биз одамларни қаерда яшашидан қатъи назар иш билан таъминлаймиз. Ушбу платформа минтақалардан номзодларга ўз шаҳридан онлайн ариза топшириш имконини беради. Ва у кейинги синов учун таклифномани аввалгидек конвертдаги хат сифатида эмас, балки СМС хабар шаклида олади, бу эса вақтни сезиларли даражада тежайди”, — дейди полковник Алиаҳмед Чориев.

Брифингда платформадан қандай фойдаланишни батафсил кўрсатиб берилди ва иштирокчиларни рўйхатга олиш жараёни қандай ишлашини тушуниш учун рўйхатдан ўтишга ҳаракат қилишни таклиф қилди.

http://e-nomzod.iibb.uz – платформа ишга туширилди ва бугундан бошлаб тест режимида ишламоқда.