Тошкент шаҳар ҳокимлиги Чусовитинанинг тасвири туширилган граффити муҳокамасини “фитна” деб атади

Тошкент шаҳар ҳокимлиги гимнастикачи Оксана Чусовитинанинг спорт сузиш костюмига юбка қўшиб чизилган граффитисига изоҳ берди. Шаҳар маъмурияти ҳодисанинг жамоатчилик муҳокамасини “фитна” деб атади. “ Фитначилар … “андишанинг отини қўрқоқ қўйиб”, турли беъмани фикрларни тарқатиб, жамиятда бузғунчилик қиладилар. Уларнинг асл мақсади фақат битта – обуначилари сони кўпроқ бўлса бас”, — дейилади ҳокимлик матбуот хизматининг хабарида. Бу ҳақда «Медиазона» ёзади.

Рассом Хасан Майчеев гимнастикачининг тасвири туширилган оригинал мурални у ўзгартирганини тан олди. “Тахминан бир ҳафта олдин Гагарин кўчасидаги космонавтлар муралини чизишни тугатаётганимда чемпионимиз Оксана Чусовитинанинг суратини сақлаб қолишга ёрдам беришимни сўрашди. Муаллиф шикастни тузатиш ва уни сақлаб қолиш учун расмни қандай тузатиш бўйича маслаҳат беришдан бош тортганлиги сабабли мен тасвирнинг шикастланган қисмларини тиклашга киришдим. Граффитига зарар етказилгани акс этган суратлар ҳавола қилинган”, – дейди у.

Аввалроқ гимнастикачи мурални реставрация қилишгани учун ҳокимликка миннатдорчилик билдирганди. Чусовитинанинг сўзларига кўра, жоҳиллар расмга шикаст етказишган, шу боис шаҳар маъмурияти сузиш кийимига юбкани қўшиб чизиш орқали вазиятни тўғирлашга қарор қилган.