Тошкент шаҳри коммунал хўжалигини бошқариш Қурилиш вазирлигига ўтди

Тошкент шаҳар Уй-жой коммунал хизмат кўрсатиш бош бошқармаси ва унинг ҳудудий бошқармалари Тошкент шаҳар Уй-жой коммунал хўжалик бош бошқармасига айлантирилгани ҳолда Қурилиш ва уй-жой коммунал хўжалик вазирлигига ўтказилди. Бу ҳақда Hook нашри президент фармонига таянган ҳолда ёзади.

Қурилиш соҳасида мажбурий назорат тадбирлари учун “Қурилишда давлат назорати” электрон платформаси жорий этилди.

Шунингдек, шаҳарсозлик соҳасида турли фаолият соҳаларидаги мутахассисларни сертификатлаш тизими жорий этилган. Сертификатлаш ҳар уч йилда бир марта ўтказилади ва лойиҳа раҳбарлари, бош муҳандислар ва бош архитекторлар, назорат ўлчовлари бўйича мутахассислар, экспертлар, биноларни бошқариш органлари раҳбарлари, туман архитекторлари ва ҳудудий инспекциялар инспекторларини қамраб олади.

Мутахассисларни сертификатлаш бўйича ишларни ташкиллаштириш ишларини Қурилиш, уй-жой коммунал хўжалик вазирлиги ҳузуридаги Компетенцияларни ривожлантириш институти ўзи зиммасига олади.