Тошкентда ҳалок бўлган россияликларнинг жасадлари экспертиза якунлангач ватанига юборилади

Тошкент меҳмонхонасида ҳалок бўлган россияликларнинг жасадлари суд-тиббий экспертизадан сўнг ватанига жўнатилади, деб хабар берди Ўзбекистон Бош прокуратураси.

Департамент вакилининг аниқлик киритишича, жасадларни жўнатиш санаси барча зарур тартиб-қоидаларни бажариш, шу жумладан ўлимнинг аниқ сабабини аниқлаш учун зарур бўлган вақтга боғлиқ.

Маълумот учун, россиялик журналист Инесса Паперная ва унинг ҳамроҳи Тошкентдаги меҳмонхоналардан бирида номаълум моддадан заҳарланиб вафот этган. Ўзбекистон фуқаросининг жасади ҳам бошқа хонадан топилган. РТ хабарига кўра, россияликларнинг жасадлари 23-октабр куни Москвага етказилиши режалаштирилган.