Тошкентда бир нечта амалдор коррупцияда гумон қилиниб қўлга олинди

ДХХ ва Ўзбекистон Бош прокуратураси ҳузуридаги Иқтисодий жиноятларга қарши курашиш департаменти ходимлари Тошкент шаҳри ва икки вилоятда коррупция ҳолатларини аниқлади. Бу ҳақда ДХХ матбуот хизмати хабар беради.

Қўлга олинганлардан бири Кадастр агентлигининг бош мутахассиси бўлиб, у Тошкент шаҳрининг Мирзо Улуғбек туманида яшовчи фуқарога нисбатан жиноят иши қўзғатмаслик масаласини ҳал қилгани учун 6 минг доллар олган.

Иккинчи қўлга олинган шахс Мирзо Улуғбек тумани ИИБ катта инспектори бўлиб, маҳкумни бошқа ахлоқ тузатиш колониясига ўтказишга ёрдам беришни ваъда қилиб, 4000 АҚШ доллари олган.

Қўлга олинган учинчи шахс фарғоналик бўлиб, у бошқа маҳаллий фуқарони ички ишлар тизимига ишга жойлаштиргани учун 4 минг доллар олган.

Мазкур шахсларга нисбатан жиноят иши қўзғатилиб, тергов ҳаракатлари олиб борилмоқда.

​