Тошкентда йўловчи автобуси ёниб кетган

Тошкент шаҳрида ҳаракатланаётган автобуснинг ёнаётгани акс этган видео ижтимоий тармоқларда тарқалди.

Ҳодиса Мирзо Улуғбек тумани Мирзо Улуғбек кўчаси 43 уй  қаршисида ҳаракатланиб келаётган 5 сонли автобус саройига қарашли (151 Буюк Ипак йўли ва Чингелди йўналишидаги) автобуснинг мотор қисмида ёнғин чиқиб орқа ўриндиқ ёнишидан келиб чиқган.

Туман ҳокимлиги матбуот хизмати берган маълумотга кўра, “ҳаракатдаги автобусда йўловчилар бўлмаган, у ўз йўналишини якунлаб саройга қайтаётганда содир бўлган. Ҳодиса тўғрисида туман ФВБга 20:38 маълумот берилган ва ёнғин 20:47 ўчирилган. Ёнғин оқибатида жабрланганлар йўқ”, – дейилади.

Айни вақтда ёнғин сабаби ва моддий зарар аниқланмоқда…