Тошкентда социология профессори Абдулахат Қаҳҳоров ўлдирилди
Профессор, социология фанлари доктори Абдулахат Қаҳҳоров Тошкент шаҳрининг Олмазор туманидаги хонадонида ўлик ҳолда топилди. Ўзбекистон Бош прокуратураси матбуот хизмати 73 ёшли фуқаронинг вафот этганини тасдиқлади.
Бошқарма маълумотларига кўра, 18 июль куни тахминан соат 22:00да «102» рақамига маҳаллий аҳоли қўнғироқ қилиб, Мухбир кўчаси, Қорақамиш 2/5-уйдаги 10-уйнинг хонадонларидан бирида шовқин бўлаётганидан шикоят қилган.
Воқеа жойига етиб келган тезкор-қидирув гуруҳи марҳум Абдулахат Қаҳҳоровни балконда танасининг турли жойларида кесилган жароҳатлар билан топган.
Мазкур ҳолат юзасидан Олмазор тумани прокуратураси томонидан 19 июль куни Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган. Гумондор қўлга олинган. Жиноят сабаблари аниқланмоқда.
Социология фанлари доктори, бунгача Ўзбекистон ИИВ Академиясида профессор бўлиб ишлаган Абдулахат Қаҳҳоров “Шарқий Туркистоннинг қадимий ипак йўли сирлари” (2017) китобининг муаллифи. У туркий ва уйғур тарихининг кам ўрганилган масалалари билан шуғулланган.
If you have found a spelling error, please, notify us by selecting that text and pressing Ctrl+Enter.
Тавсиялар
Бразилияда Х ижтимоий тармоғи деярли бир миллион доллар жаримага тортилди
Бирлашган Миллатлар Ташкилоти Хавфсизлик Кенгаши "Шимолий оқим" ни бузиш масаласини муҳокама қилади
ССВ: Яна бир марказ халқаро стандартларга мувофиқ аккредитациядан ўтди. Бу нима беради
Тадбиркор аёллар энг кўп бўлган 4 та ҳудуд
Мирободда собиқ бош ҳисобчи тадбиркорларнинг 951 млн сўм пулларини қўлга киритгани аниқланди
USD
EUR
RUB
Шарҳлар