Тошкентдаги иккита кўчада ҳаракат вақтинча чекланади

Тошкент шаҳрининг Олмазор туманидаги иккита кўчада транспорт ҳаракати вақтинча чекланади, дея хабар беради пойтахт ҳокимлигининг матбуот хизмати.

Бугун мутахассислар дренаж қувурларини таъмирлайди. Шу муносабат билан соат 20:00 дан 23:00 гача Кичик ҳалқа йўлининг Шимолий Олмазор кўчасидан Уста Олим кўчаси билан чорраҳагача бўлган қисми ёпилади.

Бундан ташқари, йўлларни таъмирлаш ишлари олиб борилади. 19 сентябрь соат 23:00 дан 20 сентябрь 07:00 гача транспорт ҳаракати Кичик ҳалқа йўлининг Қорасарой кўчаси билан кесишган қисмидан Уста Олим кўчасигача бўлган қисмида чекланади.