Тошкентдан Балиқчига мавсумий йўловчи поездларини йўлга қўйишни режалаштирилмоқда

31 октябрь куни “Ўзбекистон темир йўллари” ва “Қирғиз темир жолу” компаниялари йиғилишида икки давлат ўртасида йўловчи поездларини йўлга қўйиш масаласи муҳокама қилинди. Бу ҳақда Economist  нашри “Ўзбекистон темир йўллари” компаниясига таяниб ёзади.

Учрашувда “Тошкент – ​​Балиқчи (Рибачье станцияси) – Тошкент” йўналишида мавсумий йўловчи поездларини йўлга қўйиш, Қирғизистондан Ўзбекистонга юк ташиш учун “Ўзбекистон темир йўллари” акциядорлик жамиятидан вагонлар бериш масаласи ҳам муҳокама қилинди.

Учрашув якунлари бўйича томонлар эришилган келишувларни мустаҳкамловчи ҳамда Ўзбекистон ва Қирғизистон ўртасида темир йўл соҳасидаги ҳамкорликни ривожлантириш муҳимлигини акс эттирувчи тегишли баённомани имзоладилар.

Тошкент ва Балиқчи ўртасида поездлар қатнови йўлга қўйиладиган саналар эълон қилинмади.