Тошкентнинг учта туманида вақтинча иссиқ сув ва иссиқлик таъминоти узилди

13 ноябрь куни ИМ-4 қозонхонаси қоплаган ҳудудда электр таъминотидаги узилиш сабабли Тошкент шаҳрининг Юнусобод, Олмазор ва Шайхонтохур туманларидаги айрим жойларда иссиқ сув ва иссиқлик таъминоти етишмаслиги содир бўлди, дея хабар беради Veolia Energy Tashkent компанияси.

Асосий иссиқлик энергияси таъминоти корхонаси («Тошкентиссиқликмарказ» МЧЖ) ИМ-4 қозонхонаси электр таъминотидан вақтинчалик узилган. Ўчириш кичик станциядаги авария ишлари билан боғлиқ бўлиб, ишлар 13 ноябрь куни соат 11:00 дан 18:00 гача давом этади.

Электр таъминоти тикланиб, ИМ-4 қозонхонаси тўлиқ ишга туширилгандан сўнг, иссиқ сув ва иссиқлик таъминоти тахминан 13 ноябрь куни ярим тунгача тикланади.

Иссиқ сув ва иссиқлик таъминотининг ўчирилиши қайси ҳудудларга таъсир қилади?

– Юнусобод тумани: Ц-2, Ц-4, Ц-5, Ц-6, Ҳакимзода кўчаси, Ж.Обидова, Эргашев, Ниёзбек йўли, Арифов, A.Темур ва Қорасарой шоҳ кўчаларида жойлашган тураржой бинолари, жамоат муассасалари ва маъмурий бинолар.

– Олмазор тумани: Қорақамиш 1/1, 1/2, 2/1, 2/3, 2/4, 2/5, Ц-22, Ғафур Ғулом, Тахтапул, Себзор, Ц 17/18, Ш. Олмазор, О. Бобожонова, Қорасарой, Ф. Баланд, Абдураҳмонов, Сағбон, Ёлқин, Дадабоев, Ўразбоев, Юнусов, Мухбир, Келес йўли, Норазтепа кўчалари бўйлаб жойлашган ижтимоий муассасалар ва маъмурий бинолар.

– Шайхонтохур тумани: Зулфияхоним, Юсупов, Лабзак кўчаларидаги турар-жой бинолари.