Туркий дунё билан интеграция зарурми?

Сентябр охирида Туркий давлатлар ташкилоти (ТДТ) доирасида ягона «Туркий дунё» харитасини яратиш жараёни бошланди. Бу лойиҳага Туркия билан бир қаторда Марказий Осиё давлатлари ва ҳатто Россиянинг 20 та вилояти ҳам киритилган! Бу, албатта, катта амбиция.

Аммо бу ташаббус Ўзбекистон учун қанчалик зарур? Ўзбекистоннинг иқтисодий кўрсаткичлари Туркияга қараганда яхшироқ — Анқаранинг ташқи қарзи 500 миллиард долларни ташкил этади ва сўнгги йилларда инфляция даражаси 45%дан 70%гача ўзгариб турибди. Бундан ташқари, «Туркий дунё» лойиҳаси Марказий Осиё халқларининг ўзига хослиги ва хилма-хиллигини ҳисобга олмагани ҳақида ҳам гап-сўзлар бор. Баъзи давлатлар аҳолиси эса янги алифбони ўрганиш заруратига дуч келиши мумкин.