Туркия парламенти Швециянинг НАТОга киришини қўллаб-қувватлайди
Туркия парламентининг Ташқи ишлар қўмитаси 26-декабрь, сешанба куни бўлиб ўтган йиғилишда Швециянинг Шимолий Атлантика иттифоқига қўшилиши ҳақидаги протоколни ратификация қилишни қўллаб-қувватлади.
Қўмита томонидан маъқуллангач, Швециянинг НАТОга кириши масаласи Туркия Буюк Миллат Мажлиси Бош Ассамблеясида кўриб чиқилади. Қўшилиш баённомасини ратификация қилиш учун қарор овоз беришда қатнашганларнинг оддий кўпчилик овози билан қўллаб-қувватланиши лозим.
Бундай овоз беришнинг айнан қачон бўлиб ўтиши ҳозирча маълум эмас.
Маълумки, Туркия президенти Ражаб Тоййиб Эрдўған октябрь ойи охирида бир неча ойлик кечикишдан сўнг Швециянинг НАТОга аъзо бўлиши ҳақидаги протоколни ратификация қилиш учун мамлакат парламентига юборган эди.
Парламент буни кўриб чиқишга шошилмаяпти ва бу масала устувор эмаслигини расман тушунтирмоқда.
Аммо яқинда Эрдўғаннинг ўзи тўғридан-тўғри Туркия парламентида Швециянинг НАТОга аъзолигини ратификация қилишни АҚШ ва Канадада Анқара истаган қарорлар бўйича “ижобий ўзгаришлар”ни тезлаштириши мумкинлигини айтганди.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар