Туркманистонда ўқитувчилар республика раҳбариятининг портретларини сотиб олишга мажбурланди
Туркманистоннинг Болқон вилоятидаги мактаб ўқитувчилари президент Сердар Бердимуҳамедов ва Халқ Маслаҳати кенгаши раиси Гурбангули Бердимуҳамедовнинг янги портретларини сотиб олиш учун уларнинг ҳар бирига 238 манатдан тўлаш мажбурияти юкланди, дея хабар беради “Азатлык” радиоси.
Бу харажатларга йил шиори ёзилган плакатлар учун 25 манат, янгиланган портретлар учун 65 манат ва президент китоби учун 148 манат киради. Декабрда икки ойлик маош олган ва кейинги тўловни фақат февралда кутаётган ўқитувчилар мактаб ўқувчиларининг ҳар биридан 10 манатдан пул йиғишга мажбур бўлди.
Бу амалиёт давлат хизматчиларига ҳам таъсир кўрсатди, улар январь ойи бошида президент портретларини алмаштириш учун ҳар бири 310 манатдан тўлашлари, портретлар учун туркман гиламлари, “Бахтли ёшлар Аркадаг Сердар билан” шиори ёзилган плакатлар ва газета ва журналларга обуна бўлишлари керак эди. Бу ҳаракат таълим, соғлиқни сақлаш ва полиция ходимларига “Янги йил совғаси” деб аталди.
Туркманистонда бундай ҳолат биринчи бор содир бўлаётгани йўқ. Жумладан, 2021 йил декабрида собиқ давлат раҳбарининг янги шеърлари плакатларини сотиб олиш ва 2022 йил бошида суратдаги куртка ранги ўзгаргани учун президентнинг янги портретлари харид қилиш шулар жумласидандир.
If you have found a spelling error, please, notify us by selecting that text and pressing Ctrl+Enter.
Тавсиялар
Бирлашган Миллатлар Ташкилоти Хавфсизлик Кенгаши "Шимолий оқим" ни бузиш масаласини муҳокама қилади
ССВ: Яна бир марказ халқаро стандартларга мувофиқ аккредитациядан ўтди. Бу нима беради
Тадбиркор аёллар энг кўп бўлган 4 та ҳудуд
Мирободда собиқ бош ҳисобчи тадбиркорларнинг 951 млн сўм пулларини қўлга киритгани аниқланди
21 сентябрь куни Ўзбекистонда ҳаво ҳарорати 37 даражагача кўтарилади
USD
EUR
RUB
Шарҳлар