Учқудуқ ва Мирзаобод туманларига янги ҳокимлар тайинланди

Рахмонкулов Ориф Худойбердиевич — Сирдарё вилоятининг Мирзаобод тумани ҳокими лавозимига тайинланди. Бунга қадар у “Ипотека-банк” акциядорлик тижорат банки Сирдарё вилояти филиали бошқарувчиси лавозимида ишлаб келган.

Шунингдек, Елмуратов Учқун Файзуллаевич — Навоий вилоятининг Учқудуқ тумани ҳокими вазифасига тайинланди. Тайинловга қадар у “Агробанк” АТБ Навоий вилояти бошқармаси бошлиғи вазифасида фаолият юритган.