Таиландда “Яги” тўфони оқибатида жабрланганлар орасида Ўзбекистон фуқаролари йўқ
“Яги” тўфони Таиланд ва Мьянмага етиб келиши натижасида ҳар икки давлатнинг шимолий штатларида сўнгги 80 йил ичидаги энг кучли сув тошқинлари кузатилди, деб хабар бермоқда “Дунё” ахборот агентлиги.
Ўзбекистоннинг Бангкок шаҳридаги Бош консулхонаси маълумотига кўра, тошқинда сув сатҳи 1 метрга етди ва у жуда кучли оқимни юзага келтирди.
Кучли ёмғир ва ундан кейинги сув тошқини Таиланд шимолида иккита кўчкига сабаб бўлди. Кўчки оқибатида 6 киши ҳалок бўлди ва 9000 га яқин хонадон селдан жабр кўрди.
Таиланд ваколатли идоралари томонидан сув тошқинидан жабр кўрган ҳудудларда, хусусан, Таиланд-Мьянма чегарасидаги Сай дарёси яқинида аҳолига эҳтимолий эвакуацияга тайёргарлик кўриш тавсия қилинган.
Таиланднинг табиий офат кузатилган ҳудудларида яшовчи ва меҳнат фаолиятини олиб бораётган Ўзбекистон фуқаролари ва уларнинг оила аъзолари орасидан сув тошқини ва кўчки натижасида жабр кўрганлар аниқланмади.
If you have found a spelling error, please, notify us by selecting that text and pressing Ctrl+Enter.
Тавсиялар
26 ноябрь куни кутилаётган об-ҳаво маълумоти билан танишинг
Тошкентда "Lacetti" ва Скутер иштирокида ЙТҲ содир бўлди
Темиров Ливе журналистлари иши: Адвокатлар ҳукм устидан шикоят қилишди
Косметолог Криштиану Роналдуни судга берди
РФ Давлат Думасига мигрант болаларни рус тилидан имтиҳонсиз мактабларга қабул қилишни тақиқловчи қонун лойиҳаси киритилди
USD
EUR
RUB
Шарҳлар