Ўзбекистон Legatum Институтининг фаровонлик индексида юқорироқ поғонага кўтарилди

Ўзбекистон Legatum Институтининг фаровонлик индексида 167 та давлат орасида 100-ўринни эгаллади. 2011 йилдан буён Ўзбекистон рейтинг жадвалида 13 поғонага кўтарилди. “Ўзбекистон ижтимоий капитал ва соғлиқни сақлаш соҳасида энг самарали, аммо атроф-муҳит соҳасида энг заиф. Ўн йил олдинги энг катта яхшиланиш корпоратив шароитларда бўлди”, – дейилади институт баёнотида.

Рейтингда Қозоғистон 69, Қирғизистон 94, Туркманистон 107, Тожикистон 113-ўринни эгаллаган.

Рейтингда Дания етакчилик қилаётган бўлса, Жанубий Судан охирги ўринда бормоқда.

2019 йилда Ўзбекистон 167 та мамлакат ичида 103-ўринни эгаллаган эди.

Legatum (The Legatum Prosperity Index) Институтининг фаровонлик индекси Британиянинг The Legatum Institute таҳлил марказининг бирлашган кўрсаткичи бўлиб, дунё мамлакатлари ютуқларини уларнинг фаровонлиги ва равнақи нуқтаи назаридан баҳолайди.