Ўзбекистон олимпиячилари тантанали кутиб олиниши муносабати билан Uzbekistan Airways рейси бошқа терминалга кўчирилади

Бугун, 2024 йил 12 август куни Тошкент аэропортида Тошкент-Урганч йўналиши бўйича HY057 рейсини рўйхатдан ўтказиш ва жўнатиш жойи ўзгартирилди.

Ўзбекистон олимпия терма жамоасининг маҳаллий авиакомпаниялар терминалида бўлиб ўтадиган тантанали йиғилиши муносабати билан ушбу рейсни рўйхатдан ўтказиш ва жўнатиш Тошкент аэропортининг халқаро терминалига кўчирилди.

Эслатиб ўтамиз, Париж Олимпиадасида Ўзбекистон спортчилари 13 та медаль: 8 та олтин, 2 та кумуш ва 3 та бронза медалини қўлга киритди. Олимпиадачиларни олиб учаётган  самолёт соат 19:00да Тошкент аэропортига қўнади.