Ўзбекистон Соғлиқни сақлаш вазирлиги ва МАГАТЭ ҳамкорликда онкология соҳасининг мутахассисларини тайёрлаш ҳақида келишиб олишди
Венада Атом энергияси бўйича халқаро агентлик (МАГАТЭ) Бош конференциясининг 68-сессияси доирасида Ўзбекистон соғлиқни сақлаш вазири вазифасини бажарувчи Асилбек Худаяров ва МАГАТE Бош директори Рафаэль Гросси ўртасида учрашув бўлиб ўтди.
Мулоқот чоғида томонлар ядро тиббиёти, жумладан, радиациявий ҳимоя, радиация терапияси муассасаларини модернизация қилиш ва диагностик радиология сифатини оширишни ўз ичига олган икки томонлама ҳамкорлик фаол ривожланаётганини қайд этдилар.
Тошкент шаҳридаги янги Республика ихтисослаштирилган онкология ва радиология илмий-амалий тиббиёт маркази учун мутахассислар тайёрлаш ва уларнинг малакасини ошириш бўйича ҳамкорлик тўғрисидаги шартнома имзоланиши учрашувнинг асосий натижаси бўлди. Ушбу лойиҳа Ўзбекистонда саратон касаллигини ташхислаш ва даволашнинг замонавий усулларини жорий этишга қаратилган.
Гросси мамлакатимизда онкологик хизмат кўрсатиш сифатини оширишдаги ушбу қадам муҳимлигини таъкидлади ва ҳамкорликни янада кенгайтиришга тайёрлигини билдирди. Учрашув якунида Худаяров Гроссини ядро тиббиёти соҳасидаги ютуқлар билан танишиш учун Ўзбекистонга ташриф буюришни таклиф қилди.
If you have found a spelling error, please, notify us by selecting that text and pressing Ctrl+Enter.
Тавсиялар
Франция Украинага Россия ҳудудига SCALP ракеталари билан зарба беришга рухсат берганини тасдиқлади
Reuters: Украина Курск областида УҚК назорат қилган ҳудуднинг 40% дан ортиғини йўқотди
Украина Энергетика вазирлиги: Жорий ҳафтада ҳужумлар сабабли ЗАЭС икки марта “блэкаут” чегарасида қолди
АҚШ армиясининг собиқ офицери ва Россия тарғиботчиси Скотт Бенетт вафот этди
ДХХ раиси ўзгарди
USD
EUR
RUB
Шарҳлар