Ўзбекистон Ташқи ишлар вазирлиги BMW 750Li автомобилидан фойдаланишдан воз кечди

Ўзбекистон Ташқи ишлар вазирлиги ўз тасарруфидаги 24 та автомобиль, жумладан, вазирга шахсан бириктирилган Mercedes-Benz S-450 русумли автомобиль ҳам борлиги ҳақида маълумот эълон қилди.

2021 йилда департамент ихтиёридаги автомашиналар сони худди шундай бўлган, аммо таркиби ўзгарган.

Ўшанда вазир ўринбосарларидан бири, шунингдек, президентнинг Афғонистон бўйича махсус вакили Cadillac XTS (2016) автомобилида ҳаракатланган. Яна тўрт нафар ўринбосар ва матбуот котиби ихтиёрида Malibu (2020 ва 2013) автомобиллари бўлган (машиналар таркиби ўзгармаган).

Ўша пайтда Ташқи ишлар вазирлиги паркида навбатчилик ва меҳмонлар учун яна бешта Malibu (2013 ва 2017), иккита Lacetti (2010), учта Cobalt (2018), иккита Epica  (2011), BMW 750Li (2016), ҳудудлардаги консулликлар учун бешта Captiva (2017)  ва бошқа транспорт воситалари бор эди. Айни пайтда автомобиллар нисбати қуйидагича:

​Навбатчилар ва меҳмонлар учун Malibu – 4

Lacetti – 2

Cobalt – 3

Epica – 1

Captiva – 5

Express pass Chevrolet ва Isuzu NQR микроавтобуслари

Рўйхатда  BMW 750Li автомобили йўқ.