Ўзбекистон ТИВ янги бинога кўчиб ўтди
Ташқи ишлар вазирлиги яна бошқа бинога кўчирилди. Ҳозирда у пойтахтнинг Ислом Каримов кўчаси 45А манзилидаги собиқ Иқтисодий тараққиёт ва камбағалликни қисқартириш вазирлиги биносига жойлашди. Бу ҳақда «Газета.uz» нашри ёзади.
Ўзбекистоннинг АҚШдаги элчиси Фурқат Сидиқов Twitter`да «очиқ ва шаффоф дипломатияга содиқлигимизни акс эттирувчи ушбу бино меҳмондўст ва қулай жой бўлиши учун яратилган», дея ёзиб қолдирди.
Ташқи ишлар вазирлиги аввал Марказий универмаг (ЦУМ)дан унча узоқ бўлмаган Ислом Каримов (собиқ Ўзбекистон) кўчасидаги бинода жойлашган эди. Президент админстрацияси Мустақиллик майдонидаги Сенатнинг собиқ биносига кўчирилгач, ТИВ биноси Сенат тасарруфига ўтказилди. Шундан сўнг 2018 йил июнь ойида вазирлик Халқ банки ва шаҳар ҳокимлигининг собиқ биносига кўчирилди. 2021 йил бошида эса Сенат вазирликнинг тўлиқ таъмирланган биносида иш бошлади.
Маълумотларга кўра, Ташқи ишлар вазирлигининг биноси ўрнида янги ташкил этилган президент ҳузуридаги Ижтимоий ҳимоя миллий агентлиги жойлашади.
If you have found a spelling error, please, notify us by selecting that text and pressing Ctrl+Enter.
Тавсиялар
Россия Днепрга отган янги “Орешник” ракетаси тўғрисида нималар маълум?
“Биз Россия билан уруш қиляпмизми?” —радио тингловчилар бу ҳақда Буюк Британия бош вазиридан сўрашди
АҚШ махсус хизматлари мамлакатнинг мудофаа корхоналарида қўпорувчилик ҳаракатлари содир этилишидан хавотирда
Орбан Халқаро жиноий суднинг Нетаньяхуни ҳибсга олишга берган ордерини “беадаблик” деб атади
Ослода АҚШ элчихонасининг қўриқчиси Россия ва Эрон фойдасига жосуслик қилишда гумон қилиниб ҳибсга олинди
USD
EUR
RUB
Шарҳлар