Ўзбекистон ва Қирғизистон ўртасида 20 дан ортиқ ҳужжат имзоланди

Ўзбекистон ва Қирғизистон президентлари 27 январь куни Бишкекдаги музокаралар якунлари бўйича икки давлат ўртасида ҳар томонлама стратегик шериклик тўғрисидаги декларацияни имзолади, дея хабар қилади давлат раҳбарининг матбуот хизмати.

Вазирлар ва идоралар раҳбарлари икки давлат президентлари иштирокида қуйидаги имзоланган ҳужжатларни алмашдилар:

• Фавқулодда вазиятларнинг олдини олиш ва уларни бартараф этиш соҳасида ҳамкорлик тўғрисидаги ҳукуматлараро битим;
• 2006 йил 3 октябрдаги Фуқароларнинг ўзаро саёҳатлари тўғрисидаги ҳукуматлараро битимга ўзгартириш ва қўшимчалар киритиш тўғрисидаги баённома;
• Қирғизистонда автомобиль ва тижорат автомобилларини ишлаб чиқаришни ташкил этиш бўйича ҳамкорлик тўғрисидаги ҳукуматлараро битим;
• 2017 йил 6 сентябрдаги Ўзбекистон Республикасининг чегарадош вилоятлари ҳокимлари ва Қирғизистон ҳукуматининг чегарадош вилоятларидаги ваколатли вакиллари кенгашини ташкил этиш тўғрисидаги ҳукуматлараро англашув меморандумига ўзгартиришлар киритиш тўғрисидаги баённома;
• 2023-2025 йилларга мўлжалланган стратегик савдо-иқтисодий ҳамкорликнинг ҳукуматлараро дастури;
• Ўзбекистон ва Қирғизистон қишлоқ хўжалиги вазирликлари ўртасида қишлоқ хўжалиги соҳасида ҳамкорлик тўғрисидаги битим;
• Ўзбекистон Иқтисодиёт ва молия вазирлиги ҳузуридаги Божхона қўмитаси ва Қирғизистон Молия вазирлиги ҳузуридаги Давлат божхона хизмати ўртасида ўзаро савдо божхона статистикаси маълумотлари билан алмашиш соҳасида ўзаро ҳамкорлик қилиш тартиби тўғрисидаги баённома;
• ташқи иқтисодий фаолият иштирокчилари томонидан шубҳали молиявий операцияларнинг олдини олиш, аниқлаш ва уларга чек қўйиш соҳасида бир хил бошқармалар ўртасида баённома;
• Ўзбекистон ва Қирғизистон энергетика вазирликлари ўртасида энергетика соҳасида ҳамкорлик тўғрисидаги битим;
• Ўзбекистон ва Қирғизистон Энергетика вазирликлари ўртасида кўмир саноати соҳасида ҳамкорликни ривожлантириш тўғрисидаги битим;
• Ўзбекистон ва Қирғизистон Энергетика вазирликлари ўртасида Чотқол ГЭСлар каскадини қуриш бўйича ўзаро англашув меморандуми;
• Ўзбекистон Инвестициялар, саноат ва савдо вазирлиги ва Қирғизистон Иқтисодиёт ва савдо вазирлиги ўртасида саноатнинг устувор йўналишларини ривожлантириш бўйича ҳамкорлик тўғрисидаги битим;
• Ўзбекистон Олий таълим, фан ва инновациялар вазирлиги билан Қирғизистон Вазирлар Маҳкамаси ҳузуридаги Интеллектуал мулк ва инновациялар давлат агентлиги ўртасида ҳамкорлик тўғрисидаги битим;
• Ўзбекистон Ёшлар сиёсати ва спорт вазирлиги ва Қирғизистон Маданият, ахборот, спорт ва ёшлар сиёсати вазирлиги ўртасида ҳамкорлик тўғрисидаги битим;
• Ўзбекистон Инвестициялар, саноат ва савдо вазирлиги ва Қирғизистон Президенти ҳузуридаги Миллий инвестиция агентлиги ўртасида ҳамкорлик тўғрисидаги битим;
• Ўзбекистон ва Қирғизистон ўртасида дипломатик муносабатлар ўрнатилганининг 30 йиллигини кенг нишонлаш бўйича қўшма тадбирлар режаси;
• Ўзбекистон Республикаси Жиззах вилояти ҳокимлиги ва Президентнинг Иссиқкўл вилоятидаги ваколатли вакили девони ўртасида савдо-иқтисодий ва маданий-гуманитар соҳаларда ҳамкорлик тўғрисида битим;
• Ўзбекистоннинг Андижон вилояти ва Қирғизистоннинг Ўш вилояти ўртасида 2023-2025 йилларга мўлжалланган ҳамкорликни кенгайтириш бўйича комплекс дастур (“йўл харитаси”);
• Ўзбекистоннинг Фарғона вилояти ҳокимлиги ва Қирғизистоннинг Боткен вилояти ҳокимлиги ўртасида 2023-2025 йилларга мўлжалланган ҳамкорликни кенгайтириш бўйича комплекс дастур (“йўл харитаси”);
• Ўзбекистоннинг Наманган вилояти ҳокимлиги ва Қирғизистоннинг Жалолобод вилояти ҳокимлиги ўртасида 2023-2025 йилларга мўлжалланган ҳамкорликни кенгайтириш бўйича комплекс дастур (“йўл харитаси”);
• Ўзбекистоннинг Жиззах вилояти ва Қирғизистоннинг Иссиқкўл вилояти ўртасида 2023-2025 йилларга мўлжалланган ҳамкорликни кенгайтириш бўйича “Йўл харитаси”;
• «Ўзелтехсаноат» уюшмаси ва Қирғизистон Энергетика вазирлиги ўртасида ўзаро англашув меморандуми;
• “Баходир Лоғон Текстиль” МЧЖ ҚК (Ўзбекистон) ва Қирғизистон Президентининг Норин вилоятидаги ваколатли вакили девони ўртасида ҳамкорлик меморандуми.