Ўзбекистон ва Корея шартномалар пакетини имзолади — асосий бандлар

Шавкат Мирзиёев ва Юн Сок Ёль ўртасида бўлиб ўтган самарали музокаралар якунлари бўйича икки томонлама ҳужжатларнинг салмоқли тўплами қабул қилинди, дея хабар беради президент матбуот хизмати.

Давлат ташрифи доирасида жами 17 та ҳужжат имзоланди, жумладан:

• Иқтисодий тараққиёт ва ҳамкорлик жамғармаси билан ҳукуматлараро битим;
• Корея Экспорт-импорт банки ва Hyundai Rotem компанияси билан тезюрар электр поездларини харид қилиш ва етказиб бериш тўғрисида битимлар;
• Корея Экспорт-импорт банки билан ўрта мактаблар учун фан, ахборот-коммуникация технологиялари ускуналарини етказиб бериш тўғрисида битим;
• “Тошкент Фарма Парк” инновацион фармацевтика кластери лойиҳасини амалга ошириш тўғрисида битим;
• Ўзбекистон давлат хизматчилари салоҳиятини ошириш соҳасида ҳамкорлик тўғрисида битим;
• ташқи ишлар вазирликлари ўртасида 2025–2027 йилларга мўлжалланган ҳамкорлик дастури;
• Жаҳон савдо ташкилоти доирасида ҳамкорлик тўғрисида баённома;
• Маданият соҳасида ҳамкорлик тўғрисида баённома;
• Транспорт соҳасида ҳамкорлик тўғрисида келишув;
• Ўзбекистон ҳудудларида марказлашган иссиқлик таъминоти тизимларини модернизация қилиш бўйича ҳамкорлик тўғрисида келишув;
• Ўта муҳим минераллар соҳасида шериклик тўғрисида келишув;
• Савдо-иқтисодий ҳамкорлик бўйича Ўзбекистон-Корея қўшма қўмитаси фаолиятини қўллаб-қувватлаш тўғрисида келишув;
• Малакали ва профессионал кадрлар тайёрлаш бўйича ҳамкорлик тўғрисида меморандум;
• Қишлоқ хўжалиги соҳасида ҳамкорлик тўғрисида меморандум;
• “Ўзсаноатқурилишбанк” АЖ билан Корея Экспорт-импорт банки ўртасида банклараро мастер-кредит линияси тўғрисида битим.