Ўзбекистонда 584 мингдан ортиқ ишлайдиган пенсионер қайд этилди

Ўзбекистон Бандлик вазирлиги мамлакатда ишлаётган пенсионерлар сони ҳақидаги маълумотларни эълон қилди.

Ягона миллий меҳнат тизими маълумотларига кўра, 584 минг 336 нафар пенсионер расман иш билан таъминланган. Уларнинг 235 419 нафари (40,3 фоизи) эркаклар, 348 917 нафари (59,7 фоизи) аёллар.

Ишлаётган пенсионерларнинг асосий қисми, яъни қарийб 58 фоизи хусусий секторда, қолган 42 фоизи эса давлат секторида банд.

Ишлайдиган пенсионерлари энг кўп бўлган ҳудудларга қуйидагилар киради:

– Тошкент – ​​99 075 нафар;

– Тошкент вилояти – 54 758 нафар;

– Самарқанд вилояти – 50553 нафар;

– Андижон вилояти – 49 327 нафар;

– Фарғона вилояти – 49 059 нафар.