Ўзбекистонда ID-карталар ва чет элга чиқиш паспортларини почта хизмати орқали эгаларига етказиш йўлга қўйилади

2023 йил 1 октябрга қадар ID-карталар ва чет элга чиқиш паспортларини почта хизмати орқали эгаларига етказиб бериш жараёни йўлга қўйилади, деб ёзади “Норма” нашри Вазирлар Маҳкамасининг қарорига таянган ҳолда.

2023 йил 1 декабрдан бошлаб фуқароларнинг хоҳишларига кўра миграция соҳасидаги хизматлар, шунингдек, автотранспорт воситаларини давлат рўйхатидан ўтказиш ва давлат рақам белгиларини бериш хизматлари уларнинг яшаш жойига бориб амалга оширилади.

Чиқиш миграция хизматларидан фойдаланишни хоҳловчилар қуйидагилар орқали мурожаат қилишлари мумкин:

• миграция ва фуқароликни расмийлаштириш бош бошқармасининг расмий веб-сайти, Call-маркази, мобил иловаси;
• ЯИДХП

Мурожаат қилувчи шахс кўчма хизматлардан фойдаланмоқчи бўлган бўш кунни танлайди.

Кўчма хизматлар учун стандарт йиғимлар ва тўловлардан ташқари, шахс транспорт харажатларини тўлаши керак, унинг миқдори 21,9 БҲМ дан (агар масофа 10 км доирасида бўлса) 83,2% (100 км) БҲМ гача.

Аҳолининг ижтимоий ҳимояга муҳтож қатламларига кўчма хизматлар мурожаат қилинган кундан бошлаб 10 иш куни мобайнида қўшимча тўловларсиз кўрсатилади.

Маълумот учун: аҳолининг заиф қатламларига қуйидагилар киради:

• ёлғиз кексалар, шу жумладан ташқаридан ёрдамга муҳтожлар;
• I ва II гуруҳ ногиронлари, ногиронлиги бор болалар;
• муомалага лаёқатсиз ва муомала лаёқати чекланган шахслар;
• ижтимоий аҳамиятга эга касалликларга чалинган шахслар;
• етим болалар ва ота-она қарамоғидан маҳрум бўлган шахслар;
• ижтимоий хизматларга муҳтож деб топилган шахслар.

Шунингдек, фуқаролар автомототранспорт воситаларини жойида рўйхатдан ўтказиш ва давлат рақам белгиларини бериш хизматига буюртма беришлари мумкин. Кўчма хизматларни кўрсатиш учун қўшимча тўловлар миқдори қуйидагича:

• 1 кун давомида – 4 БҲМ;
• 3 кун давомида – 3 БҲМ;
• 5 кун давомида – 2 БҲМ.

Агар масофа 10 км дан ошса, ҳар бир километр учун қўшимча БҲМнинг 5 фоизи тўланади.