Ўзбекистонда марказлаштирилган давлат xаридлари жорий этилиши мумкин

Сенатнинг эллик еттинчи ялпи мажлисида “Давлат харидлари тўғрисида”ги Ўзбекистон Республикаси Қонунига давлат харидлари тизимини янада такомиллаштиришга қаратилган қўшимча ва ўзгартишлар киритиш ҳақида”ги қонун маъқулланди.

Қонунда икки босқичли давлат харидлари, арзон нархлардаги харидларнинг соддалаштирилган тартиби, марказлашган давлат харидлари ва асосли келишув каби янги механизмларни жорий этиш назарда тутилган.

Қонун давлат харидларининг барқарорлиги тамойили билан тўлдирилиб, унда пудратчи органлар қисқа, ўрта ва узоқ муддатли иқтисодий, атроф-муҳит ва ижтимоий таъсирларни ҳисобга олган ҳолда барқарор давлат харидларини амалга оширишини назарда тутади.

“Аниқланишича, давлат буюртмачиси, шу жумладан буджет буюртмачиси зарур ҳолларда тендер натижаларига кўра энг яхши таклифларни танлаб олиши ёки 1 йилдан 4 йилгача муддатга доиравий битим тузиши мумкин”, — дейилади Сенат хабарида.

Тадбиркорлик субъектларига қўшимча қулайликлар яратиш мақсадида электрон дўконда, шунингдек, аукционларда захира ғолиби бўлиши кўзда тутилган. Агар ғолиб шартнома тузишдан бош тортса, улардан шартнома тузиш сўралади.

Ўзбекистонда расмий автомашиналарни харид қилиш учун белгиланган лимитга қарамай, амалдорлар қимматбаҳо машиналарни харид қилишда давом этмоқда. Сиёсат таҳлилида биз компания автомобилларини марказлаштирилган харид қилишни таклиф қилдик.