Ўзбекистонда ногиронлиги бор кишиларнинг сайлов ва суд ҳуқуқлари кенгайтирилди

Президент Шавкат Мирзиёев “Ногиронлиги бўлган шахсларнинг ҳуқуқлари тўғрисида”ги қонунга ўзгартиш ва қўшимчаларни имзолади, дея хабар беради Ўзбекистон Адлия вазирлиги.

Янгиликларга кўра, давлат ногиронлиги бўлган шахсларнинг одил судловдан, жумладан, суд, суриштирув ва дастлабки терговда иштирок этиши учун тенг ҳуқуқлилигини кафолатлайди.

Бундан ташқари, ўзгартиришлар ногиронлиги бўлган шахсларнинг ҳам бевосита, ҳам ўз вакиллари орқали мамлакат сиёсий ҳаётида иштирок этиши, жумладан, сайлов ва референдумларда қатнашиш ҳуқуқини кафолатлайди.

Шунингдек, қонунда ногиронларнинг барча тоифалари, шу жумладан эшитиш, кўриш ва ҳаракатланишда нуқсони бўлган шахслар учун сайлов участкаларида қулай овоз бериш учун шарт-шароитлар яратиш кўзда тутилган.

“Авваллари қонунчиликда бундай қоидалар йўқ эди”, – дея таъкидлайди Адлия вазирлиги.

Бундан ташқари, қонун ногиронлар билан мулоқот қилиш шаклларини белгиловчи стандартларни, шунингдек, ижтимоий инфратузилма объектларига тўсиқсиз киришни таъминлаш учун уларни мослаштириш талабларини ўз ичига олади.