Ўзбекистоннинг янги элчиси Латвия президентига ишонч ёрлиқларини топширди
17 июнь куни Ўзбекистоннинг Латвиядаги элчиси Тимур Раҳмонов мамлакат президенти Эдгарс Ринкевичга ишонч ёрлиқларини топширди. Бу ҳақда “Дунё” ахборот агентлиги хабар беради.
Суҳбат чоғида Ўзбекистон ва Латвия ўртасидаги ҳамкорликнинг бугунги ҳолати ва уни ривожлантириш истиқболлари муҳокама қилинди.
Латвия президенти Рига ва Тошкент ўртасидаги сиёсий мулоқот ва икки томонлама савдо-иқтисодий ҳамкорлик ҳолатини юқори баҳолади. У 2023 йил охирига келиб Ўзбекистон Латвиянинг энг йирик савдо-иқтисодий шерикларидан бирига айланганини таъкидлади.
Шунингдек, Ўзбекистонда амалга оширилаётган кенг кўламли ислоҳотлар юксак баҳоланиб, уларнинг натижалари Европа Иттифоқининг барча давлатлари томонидан мамнуният билан қабул қилинаётгани таъкидланди.
Эслатиб ўтамиз, 13 март куни Тимур Раҳмонов Ўзбекистоннинг янги элчиси сифатида Латвия пойтахтига келган эди. У Ригадаги қароргоҳи билан Ўзбекистоннинг Латвиядаги (2019–2024) ва ўриндошлик асосида Литва (2021–2024), Финляндия (2020–2024) ва Эстонияда (2020–2024) элчи бўлиб ишлаган Қадамбай Султонов ўрнига тайинланди.
If you have found a spelling error, please, notify us by selecting that text and pressing Ctrl+Enter.
Тавсиялар
БМТ Бош котиби Қозонда ўтказиладиган “БРИКС” саммитида қатнашади
Россия ҳарбийлари жанг майдонида 93 нафар украин ҳарбий асирини қатл қилди
Чиқиндиларни йиғиш пунктларида видеокамералар ўрнатилади
Кўчмас мулкингиз хавф остида: Тошкентдаги VEGA Centre СМ қандай қилиб кредит фирибгарликлари сабабли ҳибсга олинди
Тошкент аэропортида имконияти чекланган шахслар учун қулай муҳит яратилмоқда
USD
EUR
RUB
Шарҳлар